【追夢少年】不愛讀書夢想做運動員　中三獨子憂收入棄追夢：驚養不起爸媽

做人如果冇夢想，同條鹹魚有咩分別呀？有中三學生，本身是運動員，坦言不愛讀書，卻希望可以圓運動員的職業夢，但考慮香港運動員收入有限，而且他是家中獨子，諗起將來要擔起頭家，令他很迷茫，他於討論區發帖，藉此向網民尋求意見，是否為收入而放棄夢想。

最新影片推介：

該中三獨子昨日在instagram的schools.secrets發帖，主題是「會唔會為咗收入而放棄夢想？」，他表示自己本身係個運動員，與大部分人一樣，有個職業夢，但礙於自己是家中獨子，將來要養活家庭，所以做運動員的職業夢令他卻步，

香港運動員人工真心少，又驚大個會養唔起佢哋，佢哋有同我講過『我有預感我哋退休之後都係會去老人院㗎啦』，聽到呢度真心好心酸，望住自己渾渾噩噩，又唔鍾意讀書，我又改變唔到自己…

感到迷茫的中三生，希望網民可以給予意見，他應否堅持夢想，「或者我大個應該從事咩工作要養得起家庭。」

貼文一出，不少網民都欣賞樓主有夢想，支持他繼續追夢，「占基利曾經講過“當你選擇去做一啲唔鐘意做嘅嘢都有可能失敗嘅時候，點解唔放手一搏去做啲你鐘意做嘅嘢。”」、「運動員嘅生涯好短暫，老咗你想做都做唔到，趁後生試咗先，你寧願到時後悔定係成世都遺憾？」，有網民指，如果個個都好似樓主咁諗，應該再冇人做運動員。

而同時係運動員的網民指，自己都有咁諗過，不過做運動員就係咁辛苦，「我會建議你同時行兩條路，一邊做運動員，一邊做教練或者運動物理治療師。」

點擊下圖，睇更多留言：

▼點擊圖片放大

+12

+11

hket App儲積分換獎賞︰https://bit.ly/3ClEy1R

【名師試題教室】睇片連工作紙 中英數必學單元︰https://bit.ly/3sEeM3Q

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」，更多教育升學資訊︰https://bit.ly/3a6HT6T

責任編輯︰王明芳